03 .07.2019ж.   күні балабақшамызда «Домбыра күні» аталып өтті. Тіл маманы Кенжекулова Ляйла Айтбековна «Домбыра-асыл мұра» тақырыбында іс-шара өткізді.  Мақсаты: балаларға ұлттық аспап домбыра туралы мәліметтер беру, ой-өрісін дамыту. Ұлттық аспаптарды ұмытпай ұлықтап, ұлтын сүйетін ұлтжанды ұрпақ болып өсуге баулу.

02.07.2019 ж."Балапан" екінші кіші тобының тәрбиешісі Н.А. Сарсенбекованың ұйымдастыруымен "Түлкі, Қоян және Әтеш" ертегісі көрсетілді. Ертегіні балалар ерекше ықласпен көрді. Ертегі кейіпкерлері әдемі киімдерімен көз тартып, кейіпкерлер өз рөлдерін жоғары деңгейде сомдап шықты.

«Березка» тобының тәрбиешісі Сапрыкина Г.А. «Наш друг-светофор» атты тәрбие сағатын өткізді. Балалар жолда жүру ережелерімен таныса отырып, жолда жүру ережелерін меңгерді. Тақырыпқа сай бейнеролик тамашалап, ойындар ойнады. 

Дене шынықтыру жетекшісі Трушева Н.У. «Ботақан», «Березка» ортаңғы топтарымен «Шынықсаң-шымыр боларсың» спорттық ойын-сауығын өткізді. Балалар түрлі спорттық ойындар ойнап, жарыса отырып белсене қатысты. Балалардың денелері сергіп, дене шынықтыруға деген қызығушылықтары артты.

«Қарлығаш» ересектер тобында Турлыбаева Б.К., Темирбаева У.К.   «Ертегілер еліне саяхат» атты   қуыршақ таетрын өткізіп, балалармен бірге ойындар ойнатып мерекелік көңіл күй сыйлады. Балалар кейіпкерлердің іс-әрекеттеріне риза болып, оларға қол соғып, қошемет білдірді.

Тәрбиеші Парзиева Ж.К «Мен туылған күн» тақырыбында ойын-сауық өткізді. Балалр туылған күн туралы өз білетіндерін ортаға салды. Туылған күннің мереке екнін ұғынды. Ортаға туылған күн иелерін шақырып, оларға балалар тақпақ, ән, тілектерін айтты.

Педагог-психолог Кенжекулова Л.А. «Жаз келді, алақай!» сауық-кешін өткізді. Сауық-кеште балалар көңілді ойындар ойнап, тапсырмаларды шешіп өздерінің жан-жақты дамып, жетілгендерін көрсетті. Күлдіргі келіп, балалардың көңіл-күйлерін көтере түсті. Белсене қатысқан балаларды мақтап, марапаттап, сыйлықтар үлестірді.

Жаз мезгіліне арналған «Тебе мы рады, лето» музыкалық ойын-сауықты музыка жетекшісі Трибунцева О.П.ұйымдастырды. Ойын-сауықта балалар әдемі әндер айтып, әсем билер биледі. Таза ауада, далада өтілген іс-шара балалрға қуаныш сыйлады. Жадыраған жаздың ерекшелігін сезінді.

«Гүлдер» сауықтыру тобында  «Мемлекеттік рәміздер» тақырыбында тәрбие сағаты өткізілді. Тәрбие сағаты барысына балалар рәміздерге жеке-жеке тоқтала отырып, оларға байланысты сұрақтарға жауап беріп, өздерінің рәміздер туралы білімдерін көрсетті. Тудың суретін салып, ондағы түсерді үш тілде айтты.

Рәміздер күніне арналған  «Қазақстан Республикасының Мемлекеттік рәміздеріне құрмет» тақырыбында тәрбиеші  Темирбаева У.К. тәрбие сағатын өткізді. Балалардың мемлекеттік рәміздерді мақтан етіп, құрмет сезімімен қарайтындары көрінді. Балалардың рәміздер туралы білімдері, танымдары қалыптасқан. «Березка» ортаңғы тобында  «Мои символы-моя гордость» тақырыбында тәрбие сағаты өткізілді.  Балалар рәміздер туралы тақпақтарын айтты. Суреттер салды.